"വാക്കുകൾ സംഗീതമാവുന്ന കാലം വരുന്നുണ്ട്.."

 "വാക്കുകൾ സംഗീതമാവുന്ന കാലം വരുന്നുണ്ട്..

പറയാൻ മറന്ന കഥകൾ കൊണ്ട് തൂലികയിൽ ചോര കിനിയുന്നുണ്ട്..

പ്രണയിക്കാൻ മറന്ന വസന്തവും.. വിരഹത്തെ അറിയാത്ത വേനലും, ഋതുക്കൾക്കിടയിൽ തലകുനിച്ചിരിപ്പാണ്..

ഇനിയെന്നൊരു യാത്ര പോവും? ചുകന്ന, കറ പുരളാത്ത ദിനങ്ങളെ കാക്കാതെ ഇനിയെന്നൊരു യാത്ര പോവും??

കരളുറപ്പില്ലാതെ കരയാനും.. കാതങ്ങൾ ഓർക്കാതെ പായാനും, കാലം ഇനിയുമെത്ര ഉരുളണം??

മനമേ നീ ഉഴലാതെ.. കരളേ നീ കരയാതെ.. 

വാക്കുകൾ സംഗീതമാകുന്ന കാലം വരുന്നുണ്ട്."